О, Пречистая Богомати, Всецарица! Услыши многоболезненное воздыхание наше пред чудотворною иконою Твоею, из Афонского удела в Россию принсенною, призри на чад Твоих, неисцельными недуги страждущих, ко святому образу твоему припадающих! Якоже птица крылома покрывает птенцы своя, тако и Ты ныне, присно жива жива сущи, покрый нас многоцелебным Твоим омофором. Тамо идеже лютыя скорби превозмогают, терпением и ослабою явися. Тамо идеже надежда исчезает, несумненною Надеждою буди. Тамо идеже мрак отчаяния в души вселися, да возсияет неизреченный свет Божества! Малодушныя утеши, немощные укрепи, ожесточенным сердцам умягчение и просвещение даруй. Исцели болящия люди Твоя, о Всемилостивая Царице! Ум и руки врачующих нас благослави, да послужат орудием Всемощного Врача Христа Спаса нашего
|